Өлең, жыр, ақындар

Залым

  • 25.06.2022
  • 0
  • 0
  • 776
Мына бір жігіттің —
Қулығына ғана емес,
Залымдығына да! —
Құрық бойламайды.
Сол құрыққа
Сырық жалғасаң
Ол да бойламайды.
Жасаған қиянатын —
Ешуақта! —
Қиянат деп ойламайды.
Қырық қулығы,
Алпыс айласы,
Сексен сұмдығы бар.
Аспан асты,
Жер үстінде
Жұрт білмейтін
Құпия аралдары мен
Құпия құрлығы бар...
Жақындасаң! —
Зып етіп ішіңе кіріп
Істіктерімен
Жаныңды піседі.
Сөйтіп
Қаныңды ішеді.
Әп-сәтте
Тамырларыңның суалып
Тартылып кепкенін
Білмей қаласың.
Сонан соң
Тастап кеткен шоғынан
Иесіз
Үйдей жанасың!
Оп-оңай
Жаныңды бүлдіріп
Апыр-топыр етеді.
Бетіңе күліп тұрып
Көзіңді шұқып
Соқыр етеді.
Енді бір кездессең —
Білдірмей-ақ
Етіңді сылып
Теріңді тірідей сыпырады
(Сол кезде ол —
Масаттанып! —
Желді күнгі
Құйындай құтырады).
Мойныңды ырғайдай
Битіңді торғайдай етіп
Өзіңді мүлде
Мініп жүретін
Түйе қып алады.
…Ақырында сенің —
Саудыраған! —
Сүйегің ғана қалады.



Пікірлер (0)

Пікір қалдырыңыз

Көшелер

  • 0
  • 0

Үстiне көкпеңбек
асфальт төсеген
өзендер сияқты
ағады көшелер.

Толық

Мұхтар Шаханов алпысқа келді

  • 0
  • 0

Маңдайында – Желтоқсанның! –
Ұйып қалған қаны бар
Горбачевпен айқасқан,
Талай-талай әңгүдiк

Толық

Машина бауырындағы ұя

  • 0
  • 0

Көктем. Көктем.
Жалт-жұлт еткен нұр қандай?!
Нұрды бiреу шашып алып тұрғандай...
...Ұя сапты қалған ашық гаражда

Толық

Қарап көріңіз

Пікірлер