Өлең, жыр, ақындар

Доп

  • 26.06.2022
  • 0
  • 0
  • 609
Бұл заман —
Доптың заманы!
Бүкіл әлемде
Доптың ойыны
Қызып тұр.
Африка мен Еуропаны,
Еуропа мен Американы,
Америка мен Азияны
Бір- бірімен қағыстырып,
Бір- бірімен
Жарыстырып қойған
Алапат қызық бұл.
Шығыс пен Батысың,
Оңың мен солың да
Дәл қазір
Доптың соңында!
Соларға қараған
Таудағы аңғарлардың
Жайдақ қиясындай
Алып стадиондар
Гуілдеп тұрған
Араның ұясындай.
... Біреулер допты
Қақпаға қарай
Қуып барады;
Біреулер допты
Жерге соққылап ұрып барады;
Біреулер допты
Торларға салып
Аулап барады;
Біреулер допты
Қолтығына қысып
Заулап барады... –
Суда да доп,
Жерде де доп,
Доп,
Доп,
Доп...
Неткен сиқыр бұл!
Соларға көз тіккен
Бүкіл Жер Шары
Дүрлігіп,
Уілдеп тұр.
Құдіреттің алдында
Бар әлем дірілдеп тұр.
Алапат дүрмекке
Жұтылған
Мына дүниең
Жоқ боп кеткен...
... Несін айтасың,
Әлдекімдер!
Бірде теуіп,
Бірде ұрып,
Бірде жұлып,
Бірде қуып ойнайтын
Басымыз да
Доп боп кеткен...



Пікірлер (0)

Пікір қалдырыңыз

Күмпілдектер

  • 0
  • 0

Ертеде
Қайынсақ бір күйеу
“Шіркін,
Қолымда қалайы кетпен,

Толық

Интернационалдық көкпар

  • 0
  • 0

Қазiр
Алып Қазақстанды
Көкпар қып
Бiрi әрi тартып жатыр,

Толық

Кеше мен бүгін

  • 0
  • 0

Менiң кеше –
Аяғыма! –
Қара тас байлап қойды.
Алшаңдап

Толық

Қарап көріңіз