Қарапайым халық туралы

Алтынмен апталып,
Күміспен күптелген
Үкімет үйінің
Есігі жабылмайды:
Қарапайым халықтың
Қамын ойлап
Құлаш-құлаш
Шешімдер мен
Құшақ-құшақ қаулылар
Қабылдайды.
Барлығын санауға
Жетпес-ау шыдамың да:
Парламент депутаттары
Қарапайым халықтың
Қамын ойлап —
Тонналаған —
Заңдарын шығаруда.
Министрлердің - қарашы! –
Қиналғандары сезіліп тұр:
Қарапайым халықтың
Қамын ойлап
Сөйлеген кездерінде
Сүйектері үгітіліп,
Еттері езіліп тұр.
Бірақ сонда да
Қарапайым халықтың —
Жарытып! –
Ас ішпейтіні қалай?
Бірақ сонда да
Қарапайым халықтың
Жыртық күртесі
Үстінен түспейтіні қалай?..

---