Темірхан Медетбек

Шертолғау

Бұл бетте «Шертолғау» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

26.06.2022
0
0
712

Бір күні мен
Өзіме өзім
Сыйыса алмастан
Қақ бөліндім:
Сол-сол екен
Өзіме өзім
Жат көріндім.
Біреуі
Олай дейді,
Біреуі
Былай дейді.
Астапыралла! –
Е, Алла тағала,
Өзің кешіре гөр,
Әр қайсысы
Өзін өзі
Құдай көреді.
Аяғын біреуі —
Иығыма! –
Орай артады.
Аяғын біреуі —
Иығыма
Бұрай артады...
Біреуі
Олай тартады,
Біреуі
Былай тартады;
Біреуі жынды,
Біреуі мұңлы...
Ақыры екеуі
Бір-бірімен
Сыйыса алмастан
Мені өлтіріп тынды!..

Темірхан Медетбек шертолғау Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар