Темірхан Медетбек

Әупілдек

Бұл бетте «Әупілдек» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

26.06.2022
0
0
938

Жылдарым — жадау,
Айларым – жүдеу,
Кім келіп
Қолтықтан демейді?!...
Бүгінде
Елім мен жерімде
Күшеншек, тыраш
Әупілдек көбейді.
Олардың дәл қазір
Әлемді аралап
Кеткен атағы.
Күн-түні әйтеуір,
Ауыр бір нәрсені
Көтере алмастан
Қиналып жатқандай
Әуп-Әуп-Әуп деп
Әупілдейді де жатады.
Бұл неткен
Күшті деп
Бостан-бос егеспе?
Әупілдек дегенің
Дауысы ғана зор,
Әлсіз, әлжуаз
Шынашақтай ғана
Құсың емес пе?!
Дәл қазір сол құстың
Әуп-Әуп-Әуп дейтұғын
Дауысын есітіп
Қаның қайнайды,
Жаның жанады...
Бірақ, қайтесің,
Бұл заман —
Күшеншек, тыраш
Әупілдектің заманы.

Темірхан Медетбек әупілдек Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар