Өлең, жыр, ақындар

Әупілдек

  • 26.06.2022
  • 0
  • 0
  • 781
Жылдарым — жадау,
Айларым – жүдеу,
Кім келіп
Қолтықтан демейді?!...
Бүгінде
Елім мен жерімде
Күшеншек, тыраш
Әупілдек көбейді.
Олардың дәл қазір
Әлемді аралап
Кеткен атағы.
Күн-түні әйтеуір,
Ауыр бір нәрсені
Көтере алмастан
Қиналып жатқандай
Әуп-Әуп-Әуп деп
Әупілдейді де жатады.
Бұл неткен
Күшті деп
Бостан-бос егеспе?
Әупілдек дегенің
Дауысы ғана зор,
Әлсіз, әлжуаз
Шынашақтай ғана
Құсың емес пе?!
Дәл қазір сол құстың
Әуп-Әуп-Әуп дейтұғын
Дауысын есітіп
Қаның қайнайды,
Жаның жанады...
Бірақ, қайтесің,
Бұл заман —
Күшеншек, тыраш
Әупілдектің заманы.



Пікірлер (0)

Пікір қалдырыңыз

Түнгi трасса

  • 0
  • 0

Түнгi трасса.
Күзгi жел ұлиды қасқырдай.
Сақ болшы, кезекшi ГАИ мен
көрсеткiш бағандар,

Толық

Сараң

  • 0
  • 0

Бiр күнi жоқ отыратын жыланбай,
әлi жүр ол бiр тиын да шығармай.
Осыншалық молшылықта көл-көсiр
бар ғой әлi шық бермейтiн Шығайбай.

Толық

Көл бетіндегі кешкі фантазия

  • 0
  • 0

Көл де тұнық, сөз тұнық,
Тұнық ой да, сана да...
Батар күнге көз тiгiп
Жас қыз отыр жағада.

Толық

Қарап көріңіз