Темірхан Медетбек

Кілең солай ғой!

Бұл бетте «Кілең солай ғой!» атты Темірхан Медетбек жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

26.06.2022
0
0
693

Даңғаза аңшы:
Мына қоянды
Атсам;
Атып,
Базарға сатсам;
Ақшасына
Қатын алсам,
Қатыным
Күндей жарқырап,
Гүлдей құлпырса,
Онан соң одан
Балпанақтай ұл туса,
Атын Рахметолла қойсам
Шілдеқанасына
Түйе сойсам деп
Айқай салғанда,
Отырған қоян
Бір-ақ орғып
Қашқан да кеткен;
Құйрығын ғана көрсетіп
Бір белден
Асқан да кеткен...
Кілең солай ғой!
Болмаған іске
Айқайға басып
Әлемді шулатып,
Әлемді шақыратынымыз-ай,
Қапылатынымыз-ай.
Сөздерді көпіртіп
Сапыратынымыз-ай.
Жапырмасақ та
Жапыратынымыз-ай.
Ақырында
Масқара болып
Аһ ұратынымыз-ай.

Темірхан Медетбек кілең солай ғой! Темірхан Медетбек өлеңдері

Пікірлер (0)

Пікір қалдырыңыз

Жиі қойылатын сұрақтар