Өлең, жыр, ақындар

Бүгінгі хал

  • 26.06.2022
  • 0
  • 0
  • 415
Қатал қыстағы
Алатаудың шыңдарын
Қатпар-қатпар
Мұз басқандай,
Менің де жанымды
Құрсаулап мұз басуда;
Балқаш көлімнің
Бүкіл денесін
Тұз басып бара жатқандай
Менің де
Буын-буынымды
Тұз басуда.
(Арман, Үміт
Дәл қазір—
Қауіпті құз басында.)
Сексеуіл,жыңғылы
Қырқылған даланы
Құм басқандай,
Бүйрек пен бауырдың
Қуыс-қуысын толтырып
Құм басуда.
Құрғақшылық пен өртке
Шарпылған орманды
Мұң басқандай,
Ойымды мұң басуда.
(Қол ұшын берер деп
Қоғамға қарап ем—
Қоғамым—
Құтырған бурадай!—
Жын шашуда.)
Жүдеу Каспийім,
Жадау Аралым...
Мұндай хал-күйде
Қалай мен
Жарқырап жанамын...
Бірақ та
Жоқ қой амалым.
... Мен қазір
Қайран табиғат құсап
Кеуіп, қансырап,
Тарылып,
Тартылып барамын.



Пікірлер (0)

Пікір қалдырыңыз

Ауру дүние

  • 0
  • 0

Ауру қазiр,
ауру қазiр бәрi де,
айналды бұл менiң қайғы, шерiме.
Бәрi де ауру –

Толық

Жаз ортасындағы жаңбыр

  • 0
  • 0

Қамшы боп тиiп
қашқанға
тұқыртып басын қорғалап,
төгiлдi дейсiң аспаннан

Толық

Күзгі жел және ағаштар

  • 0
  • 0

Күзгі қара жел
Үйіре ұйтқытып
Оңын да, солын да
Бұрқырап соғуда.

Толық

Қарап көріңіз