Өлең, жыр, ақындар

Бүгінгі кеш

  • 07.07.2022
  • 0
  • 0
  • 594
Шадыман кешті бүгін шолғанымда
Шат қала алтын көзді шамдары да
Жарқырап, нұрын төкті, сәуле шашып,
Жайнаған әр үйдің бір шарбағында.
Қаңтардың кеші дала үстін орай,
Сәулесін тау төсіне тостырып ай!
Қанаты қар жамылған теректер тұр —
Аспалы жалтыраған люстрадай.
Тұрғандай қыста жаздың сағымы ойнап,
Көк мұздың айдынына салып ойнақ,
Сырғанақ тепкен жастар жұлдыздайын
Ағады, өр жанында жалын ойнап!
Осы түн — тез атқандай тосқан таңы,
Колхозда, совхозда да жастар тағы
Шаттанған: би билесіп, ән шырқасып,
Әр үйдің тұр жаюлы дастарханы...
Көз тарта жарқыл қағып жанған шамы,
Құлпыртып әр бөлмеде көк аршаны
Жайқалтқан, көрсең: жасыл жапырағы —
Секілді жас ұрпақтың болашағы!
Бұл кешті десеңіздер:— қандай қызық?
Аспанның көк теңізін шарлай жүзіп,
Жас таңы жаңа жылдың келе жатты
Қанаты жұмыр жерді жайнай сызып...
Талпына самғай ұшқан тас түлектей,
Жарқылдап бұл жыл басы жақсы үміттей,
Жаңа бір бесжылдықпен келді бірге
Жиырма бес жасқа толған жас жігіттей.
Бар дейсіз: — бұл мейманды тоспаған кім!
Қалмақшы мұндай кешті қостамай кім!
Достар да күтті осыны тыңындағы —
Көкшетау, Павлодар, Қостанайдың!..
Өзі боп жаңа жылға бас куәнің
Сағаты Кремльде Москваның
Сыңғырлай сайрады күй, соқты он екі!
Жолдастар, шырқалық бір достық әнін!

1955



Пікірлер (0)

Пікір қалдырыңыз

Қыз қалауы

  • 0
  • 0

Тақ қызына ғашық болып сансыз жан,
Тау елінен, Теңіз арғы жағынан
Келді киіп үске жібек асылдан,
Күймелері сары алтынға малынған

Толық

Мұнай

  • 0
  • 0

Каспийдің күміс көбік толқынындай,
Бұрқанып жердің астын керней тулай,
Арналы алып Эмба шыңырауынан
Бұрқырап көкке шапшып шыққан мұнай.

Толық

Алға қарай серпеміз

  • 0
  • 0

Біз серпісек құлашты
Тау қырандай серпеміз,
Біз серпісек құлашты
Таңғы ұрандай серпеміз!

Толық

Қарап көріңіз