Өлең, жыр, ақындар

Жапты кілтін «Максимнің»

  • 09.07.2022
  • 0
  • 0
  • 494
Әлі есімде
өткен соғыс дауылы,
Ел бағы үшін
ерлердің
қан төккені...
Жауын жеңген
елімізге
тағы ұлы
Туды жарқын
майдың жеңіс
көктемі.
Жауды жайпап,
гүрсілдеген
тынды оқтар,—
Басылды үні
көк қарудың
от атқан!
Автоматын
иыққа іліп,
солдаттар
Маңдай терін
шықты сүртіп
окоптан.
Жау сығалап
жатқан сержант бір шетте
— Ура! — деген
есіттіре
ащы үнін,
Оқ лентасын
жинай салып
жәшікке,
Сақ еткізіп
жапты кілтін
Максимнің,
Серттескен ек
қанды соғыс
кезінде,
Ант қылышқа
шаншуға
ел дұшпанын!
Жеңіс үшін
тартқан жолдың өзіне
Төселейік
деп ек
болып шпалың.
Жан аямай
шпалдай да,
көпірдей
Тұрдық мығым
таймай
жеңіс жолында.
Бір де оғын
солдаттар мүлт кетірмей,
Шын ерлікпен
жеңіп шықты
Жауды да.

1955



Пікірлер (0)

Пікір қалдырыңыз

Партия, жырым өзіңе

  • 0
  • 0

Әсте бір, жоқ па сүйген асыл жарың,
Тегінде аз жырлайсың ғашық жайын, —
Десе дос, амалым не, мойынға алам,
Алайда, өлеңімнің асылдарын

Толық

Красин кемесі

  • 0
  • 0

Жынды жел ыршып ышқынған
Садағын тартып ысқырған,
Сібірде жаз да, күз де мұз;
Буалдыр боран аппақ қыс,

Толық

Кавказ тұтқыны

  • 0
  • 0

Сөзімді құп ал, достым, езу тартып,
Еркіндік музасынан шыққан шалқып;
Арнадым қуғын керген толғау жырды,
Шабытты бос кезімде сыйқын тартып,

Толық

Қарап көріңіз