Өлең, жыр, ақындар

Шаттық жылы

  • 09.07.2022
  • 0
  • 0
  • 558
Орнатып ойды, қырды күміс қарға,
Кеудеден кең алдырып тынысты алға,
Жаңа жыл туды қала, даламызға,
Соқтыра заводтарда құрыш балға.
Елдің шат күлкі ұялап миығына,
Беретін бұл жылға әзір сыйлығы да,
Тұр қалғып жазды күткен тоғайлар да,
Жамылып қар күпісін иығына...
Тыңдары Ұзынағаш, Қаскелеңнің,
Ұштаса өлкесіне өскен елдің,—
Қар кетсе-ақ, інжу дәнін шашқалы тұр,
Дәніндей сөзіндегі әр жақсы өлеңнің!
Қаймықпай аяздан да қаңтардағы,
Қыстаған Сарытау құмда отардағы
Түлетіп түліктерін,— жаңа жылды
Қарсы алған бақташы да қатардағы.
Жаңа жыл сәлем беріп бәрімізге,
Сәндете елімізді,
келді бізге!
Басында мерекелі дастарханның
Салалық салтанатты әнімізде!
Жайылып жер жүзіне бір дастархан,
Үстінде жайбарақат нұр дастархан,
Келешек жылдарды әлем бірге көрсін
Делікші: «Күтіп алда тұр дастархан!»
Сүйікті Ұлы Отанды, — елді іргелі
Өрлете түсу үшін өрге ілгері,—
Шалқысын тағы, жаңа жыл жазында —
Тыңда — дән, көлде — толқын мөлдірлері!

1956



Пікірлер (0)

Пікір қалдырыңыз

Қазыналы Қазақстан

  • 0
  • 0

Биылғы балбыраған қоңыр күзде,
Қиқулап қайтқан құстай көгімізде, —
Жол керней жүзген бидай керуені
Ағылды дән маржаны жерімізде.

Толық

М... ға

  • 0
  • 0

Ыстықсың шықтан неге, сәулетайым?
Есте ме, күлдірген күн көктің айын...
Өлеңі ғашығыңның сорғалаған,
— Сия ғып жазған жүрек қанын.

Толық

Шыңға атқан оқ

  • 0
  • 0

Күрсініп Нева толқыды,
Көк тұманын жамыла,
Соқты керней толқыны
Гранитті жарына.

Толық

Қарап көріңіз