Өлең, жыр, ақындар

Миллиард

  • 10.07.2022
  • 0
  • 0
  • 313
Миллиард деген ірі сан,
Жеңіл — айтар ауызға.
Салмағын оның орасан,
Жеңіл деп айта алам ба?!
Біздің осы миллиард, —
Миллиард сомнан құндырақ,
Әр түйірі бриллиант
Дән тасқыны тұр құлап.
Мекені еді бұл дала —
Бұрын тек аң, құстардың,
Қарарсың бүгін таңдана,
Көркі ол Қазақстанның!
Жапан түзде бұрынғы
Жел ойнақтап ысқырған
Тың тулағы түрілді,
Дән туғызды күш қырдан.
Тың алқапқа егілген
Қостанайдың астығы
Болды ақ маржан төгілген
Ақ бидайдың тасқыны!
Тың қойнынан тұңғиық
Павлодар, Ақмола —
Тонналап дән тұр құйып,
Еңбегіне ел мақтана.
Тыңда толы комбайн,
Танкі табан трактор —
Өндіріп қыр бидайын,
Қимылы да ұнап тұр.
Тракторшы күздікті
Жыртып қойған еңкуден,
Комбайншы көз тікті
Бидайға аққан бункерден.
Украинадан, Киевтен
Келген мың-мың құрбыны
Көрсең: — қарар биіктен
Болған тың жер тұрғыны.
Бұл тың жерге жас маман,
Аз-ақ шығар келмеген.
Басқан бірге дос қадам,
Жергілікті елменен.
Дән өндірген тың қырдан
Мың-мың жастар қолдары,
Ел дәулеті мыңғырған,—
Сайрайды алда жолдары.
Қазақстан тың жерден
Миллиард пұт астықты
Отанына берді елден
Ту қып ұстап достықты.
Осы бір біздің миллиард,—
Миллиард сомнан құндырақ,
Әр түйірі бриллиант —
Дән тасқыны тұр құлап!
Қабыл ал,— Отан, Партия!—
Сыйлығын тартқан ел жомарт.
Арнады сенің атыңа
Астығын пұт миллиард.

1956



Пікірлер (0)

Пікір қалдырыңыз

Каспий

  • 0
  • 0

Аңғарлы, аты-шулы Каспий шулап,
Көк толқын бұйраланған толқып тулап,
Тау, тасы тағы қылған асау толқын,
Бұрқанып, бұрқ-сарқ етіп жатыр зулап.

Толық

Жанымда менің жаз үні

  • 0
  • 0

Менің кейбір құрбыларым назданып:
– Тәке, неге лириканы аз жазып
Жүрсіңіз? – деп, мін тағады, – жүрекке
Күз жеткен бе, сізден көктем, жаз қалып?..

Толық

Күлкі емес

  • 0
  • 0

Оншақты өлең бастырып,
Жаңа көріне бергенде, —
Мақтанып кетсе асқынып,—
Күлкі емес пе білгенге?..

Толық

Қарап көріңіз

Пікірлер