Өлең, жыр, ақындар

Тұңғыш жаз

  • 10.07.2022
  • 0
  • 0
  • 566
Зор меже жеті жылдық тұңғыш жазы
Гүліңдей қырдың қызыл ту ұстады,
Құйылтып көкірегінен дән маржанын
Тың дала күнге еркелеп тыныстады.
Көз тартып қырда қала орнағаны,
Зәулім үй, жаңа завод тұлғалары,
Көк бойлай көк жазықтан созды мойнын
Магнит алыбының домналары.
Осы бір ұлы белес кезеңдегі
Өмірдің көркіне ел безенгені
Шақырып шабытты жыр, жатыр тағы
Ойнақтап ойда, қырда өзендері...
Жайнаған жазғы дала кең өлкесі,
Жартастан көтеріліп көк еркесі
Сілкініп ұшқан бүркіт қанатының
Қалықтап жерде ойнаған көлеңкесі...
Жайлауға жайылған қой жүр сән беріп,
Құйрығы дөңгеленіп керсеңденіп,
Бұйра жүн қозылардың жұмыр жоны
Секілді түркпен, киген сенсең бөрік!
Бір дөңде маңдайынан сүртіл терін,
Атының тартып басын іркіп кейін,
Шалғынға жайып қойын тұр қарт шопан,
Қараған шың басынан бүркіттейін.

1959



Пікірлер (0)

Пікір қалдырыңыз

Жаңа жыл жыры

  • 0
  • 0

Жаңа жылдың күміс күні кекті нұрлай туғанда,
Көкті нұрлай, туғанда жыл, тау тулана тұрғанда,
Тау тулана, қыр қарлана, жатқан жер жоқ жайнамай,
Өзен, көлім көк мұзданған — көк шар айдын айнадай,

Толық

Өзі-ақ күн

  • 0
  • 0

Дабылынан Октябрь
Ойы - қырым оянып,
Ұлы арманға жеткен бір
Тұрған елім толғанып.

Толық

Айрылу

  • 0
  • 0

Тым-ақ қиын айрылысу, жас жұтқан
Енді қайтіп көріспейтін болғасын.
Жер бетінде махаббат пен достықтан
Тауып едік ғазиз жанның қазынасын.

Толық

Қарап көріңіз