Өлең, жыр, ақындар

Гагра

  • 10.07.2022
  • 0
  • 0
  • 766
Аясын кең Абхаздың
Ашып теңіз жарына,
Бұлт түндігін шат-құздың
Түрген таулы Гагра.
Қара теңіз заңғардың
Толқыны жар соғып бір,
Тас емшегін таулардың
Солқылдата сорып тұр!
Алды теңіз, арты тау,
Кәрі қорған Гагра,
Әр тасында жатыр-ау! –
Заманғы аңыз жаңғыра...
Әлдиленіп ақ бұлтқа
Тербеледі тау басы,
Ұсап жанған жақұтқа
Жайнап-ақ тұр миуасы.
Гүлі күлте, бойы тік
Кипарисі, пальмасы,
Көзді көрген ұйытып
Өскен сұлу тұлғасы.
Алды теңіз, арты тау,
Неткен сұлу Гагра!
Көркіне енді япыр-ау, –
Не жетпейді тағы да?!
Қара теңіз заңғардың
Толқыны жар соғып бір,
Тас емшегін таулардың
Солқылдата сорып тұр!



Пікірлер (0)

Пікір қалдырыңыз

Еңбек сүйгіш жеңешем

  • 0
  • 0

Білегін әппақ түрініп,
Үй жұмысын істеген,
Тап-таза боп үрініп,
Үстіне шаң түспеген.

Толық

Рица

  • 0
  • 0

Ғажайып бір көл екен
Кавказдағы Рица!
Кім көріксіз дер екен
Сұлулығын бір ұқса?!

Толық

Шаңғышылар

  • 0
  • 0

Аспанның шалқақ айыңдай,
Садақтың иген жағыңдай
Жер жалар төсі иілген
Мұзға жүзіп жүгірген

Толық

Қарап көріңіз