Тайыр Жароков

Қыз балдағы

Бұл бетте «Қыз балдағы» атты Тайыр Жароков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

10.07.2022
0
0
807

Көк теңізде шомылған
Түнде жұлдыз, күндіз қыз,
Сымбатына сұлу жан
Қарай суда жүрміз біз.
Кезімде бір үңілген
Көз отымен су сүзіп,
Жатқан теңіз түбінен
Таптым алтын бір жүзік.
Суға батып жоғалған
Қай сұлудың балдағы
Болды екен? – деп, таң қалған
Тұрдым ойда мен дағы.
Бұл жүзікті киді екен
Қай сұлудың саусағы?
Қай жігіт сыйға берді екен, –
Ауып қызға аңсары?..
Су түбіне жоғалған
Қыз балдағын іздер ме?
Жоғалғанын таба алған
Не сыйлар ед біздерге?!
Жүрсе қыздар аулақта:
– Бейқам болма, қалаулым! –
Балдағыңды жоғалтпа,
Дер едім мен, – аяулым!..

Тайыр Жароков қыз балдағы Тайыр Жароков өлеңдері

Пікірлер (0)

Пікір қалдырыңыз

Жиі қойылатын сұрақтар