Кіршігін жұмды да

Көкпеңбек жиектен сығалап,
Қып-қызыл кірпігін жұмды да,
Күн жерден кешірім сұрап ап,
Жылжыды сәулесін жиды да.
Күн көзі қызарып талған соң,
Батты тез, тау асып ұйықтауға,
Қайтадан туатын болған соң,
Шарасы қайда оның батпауға?!
Күн шықты
Тынымсыз, дамылсыз түнімен
Кемпірдей иірген ұршықты,
Зыр қағып тұрған жер бүйірінен
Таңертең шоқ көзді күн шықты.