Өлең, жыр, ақындар

Хош келіпсіз!

  • 10.07.2022
  • 0
  • 0
  • 527
Шырын тілді бұлбұлдары өзбектің,
Келіпсіздер ұшып көктем шағында,
Аңсай күтіп жолыңызды күзеттім,
Сайра, сайра, – менің алма бағымда!
Жырымыз да құстай самғап бір ұшқан,
Қолыңызды қысады ыстық қолымыз,
– Сәлем, сәлем! Сүйікті өзбек туысқан,
Хош келіпсіз, хош уақытта болыңыз!
Жыр лебізін сіздерге арнай құйғанда,
Әр жолында дос лебі тұр бұл хаттың,
Төрім дайын – өздеріңдей мейманға, –
Шам-шырағын алып келген Фархаттың!
Жолыңыздың өзі де бір жыр жатқан,
Келдіңіздер – тұрғанда жер гүл жарып,
Келдіңіздер – жанға жайлы нұр жаққан
Өздеріңмен көктемді де бірге алып.
Достарды аңсап, көрісуге асыға,
Айқара бір ашып есік, әйнекті,
Қуанышты құлашымыз ашыла
Құшақтаймыз, Ғафур Ғұләм, Айбекті!
Бұлбұл сайрар тоғайлы бір аланда, –
Қырмызыдай қызыл гүлі жаз атса,
Сол бұлбұлдай менің сұлу даламда,
Өзбек жыры сайрап кетті қазақша!
Алдыңыздан гүл көтеріп даламыз,
Алматының ақты өзені сызылып,
Көкке жасыл ту көтеріп, қараңыз,
Теректер де сапқа тұрды тізіліп.
Аппақ күміс ашып төсін Алатау,
Тәжім етті, желпіп жібек самалын!
О да бейне сізге тіккен ақ отау,
Жасыл гүлге жамылтып бар алабын.
Жырымыз да құстай шырқап бір ұшқан,
Қолыңызды қысады ыстық қолымыз!
– Сәлем, сәлем! Сүйікті өзбек туысқан,
Хош келіпсіз, хош уақытта болыңыз!



Пікірлер (0)

Пікір қалдырыңыз

Үзінді

  • 0
  • 0

Мен жүргем жүрек оты кезде маздар
Анселей жотасында,
Жотаға ақ тентек қыс кигізді ызғар
Қар құйын бұрқасында.

Толық

Алтын аймақ

  • 0
  • 0

Гүрілдеп құздан құлап тау бұлағы,
Шола алмай бұлттан шығып ай қияны,
Шаңқылдап атар таңның жаршысындай,
Шағы еді қанат қаққан тау қыраны.

Толық

Ақын көзі қадалса

  • 0
  • 0

Алатаудан жел соқты таң сәрі еді,
Сол самалды жанымыз аңсап еді,
Қартаймасқа жаралған жаны сұлу
Жандар — тәтті жел лебін тамсар еді,

Толық

Қарап көріңіз