Кенжебекке

Кенжежан десе Кенжежан,
Тең емес оған өзге жан,
Чапаевтай кеудесі
Керілсе жанды қозғаған,
Найза бойлы нар кескен
Жаманға құлаш созбаған,
Мінез жібек сабырлы,
Торқадай кисең тозбаған,
Сүйсең сондай жігіт сүй
Тең келмес оған боз балаң,
Кіршіксіз кірпік астынан
Жаудырап бота көздері
Жалт еткенде ұшқындай
Көзінде шалмас өзгені,
Ертегідей өзі өлең
Сымбатты сұлу сөздегі.