Білім дариясы

Советтің сұлу мектебі,
Білімі өрге ерлеген,
Күлгізіп күнді көктегі,
Құлашын шыңға сермеген.
Білімнің алтын дариясы,
Күміс төсін кергендей,
Түбінде маржан нұр тасы,
Сүңгісе сырын бергендей.
Жолдары білім дария,
Маркс — Ленин данышпан,
Нұр құйған жан-жанына
Сол дария ағыстан.
Білімге сүңгір жаңартар,
Өмірдің еңбек жалшысы;
Толқынды дария тазартар,
Алтындай оның тамшысы.

1928