Өтірік сүю жанға қас

Сынық қанат көбелектей
Отқа қалай күйермін,
Жаны елгезек ебелектей
Қызды қалай сүйермін?
Ұшқыны жоқ, бейне ебелек
— Бір қызға мен жолықтым,
Жаны жалған жан екен тек,
Қаштым, сүймей «қорықтым».
- «Мен сүйемін, күйемін» деп:
Қуалады, қалмады?!
Шын сүю, тек,— тілегім ед:
Жаным қабыл алмады.
Біздің өмір қыздары онан
— Ешуақытта үлгі алмас;
Болса кімнің жаны жалған
— Ол — өшкен от, жүлде алмас!

1931