Қырмандағы түн

Қараңғы түн жұлдыз жайнап,
Жымиып тұр көктегі ай,
Дүние тыныш,
Тек бір дыбыс...
Гүрілдеп тұр
Өзен, сай.
Осы қоштап таудан салқын
Желпіп самал жел ұрған.
Қырмандағы
Бидайларды
Жұрт жабыла Суырған.
Тазаланған алтын бидай
— Асқар таудай үйілген.
Әппақ қардай
Ұн қылғандай
Бір тартқаннан
Диірмен.
Қырманда тұр жарық фонарь
Қуаты күш электр.
Қатын-қалаш,
Жас қарындас,
Қалбырды алып,
Елеп тұр.