Қызыл керуен

Алтым шоғын тауға шашып
Көтерілді күн шығып,
Қызыл тулы
Керуеннен
Көк жаңғырды
Үн шығып.
Жыландай-ақ ирелеңдеп
Шаң бұрқырап жол жатқан,
Таңнан жүрген
Қызыл керуен
Пар-пар өгіз
Сөз артқан.
Кейде ән салған, кейде соп-соп,
Арбакештің айқайы.
Қолда қамшы,
Киген алшы
— Баста ақ киіз Қалпағы.
Миығынан күле, сипап
Ажақам да сақалын,
Дейді — ұлы іс,
Биыл дұрыс
Алдық колхоз Атағын.
Өткен жылы кей белсенді
Асыра сілтеп асырған.
Қайырғали — Сияқтылар
«Шаш ал —десе Бас алған»...
Биыл мынау партячейка
Бізге келген өкілде Түсіндірген,
Ісін білген,
Дұрыс адам Секілді.
«Қанша істесең, сонша аласың»
Деп белгілеп күндікті,
Күндік түгіл,
Санап бүкіл
Бергізеді
Еңбекті.
Еңбек күнін әңгіме етіп
Әркім қанша алғанын,
Қалаға да
Білмей қалды
Қалай келіп
Қалғанын.