Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Тайыр Жароков

Миллион толқын

Бұл бетте «Миллион толқын» атты Тайыр Жароков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

12.07.2022
0
0
815

(екінші варианты)

Мың-мың қолдар, миллион милар,
Милар миллион қимылда,
Миллион толқын,
Толқын миллион
Толқындата
Қимылда!
Миллион ерім, майдан төрін
Солқылдата қимылда:
Біздің нұрлы
Қызыл туды
Толқындата
Қимылда!
Елде майдан, жерде майдан,
Алтын алқап өрісім,
Қырдан орған,—
Қырман толған —
Інжу-маржан
Егісім.
Ұлы Отанға тиген жауды,
Тиген жауды құртамыз;
Танкі мініп,
Таңнан өріп,
Тау жебелей
Жортамыз!
Күміс қанат самолетті,
Самолетті ұшырып!
Тартынбаймыз,
Жарқылдаймыз!
Жауға оқтан
Жәй түсіріп.
Жауды атамыз, қиратамыз,
Снайперше сығалап,
Дұшпанға ажал,
Көрді қазар —
Біздің күшті
Снаряд!
Қоздап аққан, жауды атқан
Біздің құрыш қорғасын!
Аттан халық,
Талқандалық! —
Фашизмнің
Ордасын!

1942

Тайыр Жароков миллион толқын Тайыр Жароков өлеңдері

Пікірлер (0)

Пікір қалдырыңыз

Жиі қойылатын сұрақтар