Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Жастық оты

Тайыр Жароков

Жастық оты

  • 12.07.2022
  • 0
  • 0
  • 664
Жастық отым сөнбейді,
Жел тұрса да, бұлт шығып.
Бойды қуат кернейді,
Марқайсам да мұрт шығып.
Жастық шақтың жұлдызы
Неге шықсын есімнен.
Өмірімнің күндізі
Мені гүлдей өсірген.
Қызыл шоқтай шашақты
Шарықтап ту астында.
Жас ұрпақ өмір жасапты,
Кемедей жүзген тасқында.
Ақының жырдан қол тартпас,
Арналған саған қаламым.
Жанымды жыршы қартайтпас,
Қырау шалған самайым.
Жастық от бойда сөнбейді,
Жел тұрса да, бұлт шығып,
Жүректі жыр кернейді,
Марқайсам да мұрт шығып.

1948

Тайыр Жароков жастық оты Тайыр Жароков өлеңдері

Пікірлер (0)

Пікір қалдырыңыз

Жаңбыр алдында

  • 0
  • 0

Көңілсіз жел қуалай,
Көктен бұлтты торлаған,
Сыңсып, сынған қарағай
Күбірлеген қара орман.

Толық

Ел келбеті

  • 0
  • 0

Кәрі әженің бетіңдей
Әжім басқан жер бетін,
Күн көркейтіп бүтіндей,
Гүлденді елдің келбетін.

Толық

Қызғанам

  • 0
  • 0

Алатау, балың аз ба жұтқызбаған,
Сұлусың жастығымды ұтқызбаған!
Сайран сап, сенде шіркін, қыз-бозбалаң,
Жүреді-ау, мен жоқта да деп қызғанам.

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер