Өлең, жыр, ақындар

Шопан әні

  • 12.07.2022
  • 0
  • 0
  • 1060
Мен колхоздың шопаны шарықтаған,
Қасқыр тісін бір қойға дарытпаған,
Жүні жібек, сүті уыз, қозысы егіз,
Қой құйрығын аязға қарытпаған.
Мыңғырып өсіп таралған
Саулығым артық маралдан,
Қозыларым егізден,
Иесі өзім өргізген.
Қой бастаған ақ серке ай мүйізді,
Қауын желін саулықтар, сары уызды
Бетегенің қой қоздап түбі сайын,
Ойымыз бен толтырған қырымызды.
Маңырама, қойым, шулама,
Шәйт, шәйт!— қандың суға да;
Көк жайлауға жаямын,
Бабыңды тауып бағамын.
Мен колхоздың шопаны қойды баққан,
Мың-мың саулық мыңғырған қозы тапқан;
Еңбегімді күндей ғып жарқыратып
Өкіметім төсіме орден таққан.
Шәй, шәй, қойым, шәй қойым,
Құйрығың қардай май қойым,
Өсе бер төлдеп егізден,
Итке, құсқа тигізген.

1949



Пікірлер (0)

Пікір қалдырыңыз

Қызыл алаң

  • 0
  • 0

Көрікті менің Москвам!
Ғажайып Қызыл алаңы!
Өзіңнен ғана, астанам,
Туған ел тыныс алады.

Толық

Аспаны да аласа

  • 0
  • 0

Құмның, көрсең сен мұнда
Аспаны да аласа,
Шақ құламай күн құмға
Тұрғандай-ақ қарасаң.

Толық

Шаңғышылар

  • 0
  • 0

Аспанның шалқақ айыңдай,
Садақтың иген жағыңдай
Жер жалар төсі иілген
Мұзға жүзіп жүгірген

Толық

Қарап көріңіз