Менімен ерегеспе, ерегеспе

Менімен ерегеспе, ерегеспе,
Ерегес есерсоқтау жел емес пе?
Майданнан запы болған зағиптайын
Айналғам ел еместі елемеске.
Керісіп,
Кезек берсең тіл мен жаққа,
Мүкамал айналуың мүлдем жатқа.
Адамды аздырмаққа Ібіліс те
Жұмақтың есігінен кірген жоқ па?
Байқамай Ібілістің ішке енгенін,
Тіл безеп, кімге керек тістенгенің?
Жүрмесін сан соқтырып түстен кейін
Сарқылып сабасына түскен көңіл...

---