Ақ мақта

Ақ мамық даламда өскен мақтам қандай,
Аймағым ақ күміске қақталғандай,
Мамықтай мақта терген Мақпал жеңгей
Гүл атқан еңбегіне мақтанғандай.
Аяусыз еткен еңбек ақталғандай,
Жер ана ақ күмісін ақтарғандай,
Оранып ақ мақтаның мамығына
Кең далам күлім қағып шаттанғандай.
Қарасаң ақ мақталы дала қандай,
Айдын көл бетіндегі шағаладай,
Мақта еккен Мақпал жеңгей алаңына
Мақтана мыңдаған көз қарағандай.

1949