Солға марш

Маршқа лап бет бұрыңдар!
Жол жоқ былшыл сөзге қазір,
Араторлар, тек тұрыңдар
Сөз сіздікі Жолдас Маузер.
Жетер, еріп өмір сүру, –
Адам, Хауа салған жолға.
Қырсау тарих көк шолақты
Қуамыз біз салып алға.
Солға! Солға! Солға!
Ой, кек жасыл көйлектілер!
Желге
Кере желкен кетер!
Океандарға құлаш серме!
Яки, –
Бронь киген кеме
Тұмсығы өткір тірелді де
Мұқалды ма, тиіп жарға
Мейлі,
Талқан етіп тәжін
Арыстаны Британның
Ұли берсін атып жалын,
Жеңілмейді ер коммуна.
Солға! Солға! Солға!
Анда,
Таудың аржағында,
Шомған елде мұңға, зарға
Құлазыған күнгей жаққа,
Аштық үшін, Қорлық үшін,
Миллион ізін мөрдей ғып бас,
Теңіздерден асып атта!
Мейлі, онда банды жалдап,
Қоршаса да қаулап аңдап,
Құрсанса да болаттана, –
Көнбес Россия Антантаға.
Солға! Солға! Солға!
Қыран талмас қарап алға,
Бізді ескілік бұралар ма?
Ал әлемді кеңірдектен
Пролетар, қолмен өктем!
Кеуде кере ұмтыл алға!
Көкті қаусыр жалауларға!
Кімдер анау басқан онға? –
Солға! Солға! Солға!

---