Тілегім

Сүйгенім, мені сүймей ренжіттің,
Мен сұлық төсегімде жаттым мұңды;
Жан жарым көз жұмғандай қайғы жұттым...
Мұны айтпай жасырамын қайтіп сырды?..
Қанынан жүрегімнің гүлдер тердім,
Шыдамым сүйгеніне берді төтеп...
Жасадым қанымнан гүл – қызыл букет,
Сол гүлмен есіңе ал деп қолым бердім.
Күндейін күлді сұлу, – төзе алмадым,
Шаттықтан көз жас алды, – сезе алмадым.
Сәбидей жас сезімім серпілді кеп,
Қуанбай мен бишара төзе алмадым...
Басты да ол жүрегімді жүрегіне,
Арылтты арманымды, керегіне...
Кезімді азап шеккен ұмыттырып,
Жеткізді көптен күткен тілегіме.