Қыздың жыры

Тосып тұрып суға келген жерімнен,
Құшақтадың иіп қыпша белімнен,
Содан бері бір шықпайсың есімнен,
Сағынсам да көре алмадым сені мен.
Осы күні әскердесің алыста,
Ел ұлысың, елді бермес намысқа,
Мені есіңнен шығармасаң болғаны,
Жауды қуған тұйғындардан қалыспа.
Аман болсаң ақыр бір күн келерсің,
Ғашығыңның ақ дидарын көрерсің.
Көңілімді көкке биік көтеріп,
Күткен жарға көңіліңді бөлерсің...

---