Өлең, жыр, ақындар

Туған жерім – өз елім

  • 28.07.2022
  • 0
  • 3
  • 7281
(Шетте жүргенде)

Қайғы ойлаттың естен кетпей туған жер,
Қаны қашты, әм сарғайды ет пен тер.
Сені ойласам ішім күйер қапа боп,
Жүрегімде түйіншектей қайғы шер.
Ұйықтасам да еш шықпайсың түсімнен,
Тұрсам-дағы сен кетпейсің есімнен.
Көзден таса қылсам деген жоқ едім,
Шыға алмадым азалдағы кесімнен.
Жүрекке ыстық, көзге сүйік өз елім,
Тек құрбыммен қағысып, ойнап жүргенім.
Жап-жалаңаш жайдақ атпен жүздіріп,
Бәсеке қып, жұмыртқа алған ну көлім.
Өткелдерге ауыл қонған мезгілдер,
Бәйшешектер құлпырынған мезгілдер.
Майысып бір көк талдардың басында,
Құстар сайрап, көңіл бұрған мезгілдер.
Сені ойлап күні-түні туған жер,
Қаны қашты һәм сарғайды ет пен тер.
Бие байлап, қымыз ішіп қызған соң
Азаматтар мәжіліс құрған мезгілдер.
Өзен өрлеп, суға қармақ салғаным.
Құрбылармен таласып балық алғаным.
Сөйткен жерге хохол келіп орнады
Арманда боп, жылай-жылай қалғаным.

1914 жыл



Пікірлер (3)

Арайлым

Оте керемет ан маган катты унады❤️

асел

өлеңнін негізгі идеясы не жауында баяндалған туралы толық аита алсыздарма

Айару

Өте әдемі керемет шығарылған ✨ ❤️‍ ♾️

Пікір қалдырыңыз

Өткен күн

  • 0
  • 0

Сұлудай толып бұралған,
Жібекке жасыл оранған,
Жас өрім талдың жапырағы
Сарғайып түсті үзіліп.

Толық

Далада

  • 0
  • 0

Міне дала...
Бір топ бала,
Жүгіреді айнала.
Мінген таяқ,

Толық

Заман, «Заман»

  • 0
  • 1

Тамаша қызығы көп шіркін заман
Әрине, кімге жақсы, кімге жаман;
Қай елдің қандай паңы айтар бүгін
Күні ертең отырам деп есен-аман?

Толық

Қарап көріңіз