Өлең, жыр, ақындар

Маймыл менен көзілдірік

  • 10.08.2022
  • 0
  • 0
  • 1950
Жауыздың сақтаныңыз тіліне ермей,
Ғасыға тек жүрмеңіз ғақыл бермей,
Бір маймыл қартайғанда қор болыпты,
Байғұстың бұрынғыдай көзі кермей.
Наданға айтқан сөзің текке кетер,
Дос болсаң ықлассыз қызмет етер,
Бір істі пайдасы үшін паш етсеңіз,
Ықлас көңіліңіз болар бекер,
Көре алмай бұрынғыдай қайғыланған,
Сұрайды ем бар ма деп көрген жаннан,
Біреуден ақырында құлақтанды,
Тәуір деп көзілдірік өзі арзан.
Бес — алты көзілдірік алды саты,
Жарар еді пайдаланса іске ұқсатып,
Салғаннан төбесіне киіп алды,
Айырып ешбір жөнін көрмей жатып,
Сонан соң тұмсығына түсіреді,
Бір-бірлеп айырмастан алып жатып,
Онымен ешбір пайда болмаған соң,
Апарды құлағына саудырлатып.
Құлақтан құйрығына байлап алды,
Көрген жан күліп жатыр шегі қатып.
Ақырында көзге себеп болмаған соң,
Сындырды ашуланып тасқа атып.



Пікірлер (0)

Пікір қалдырыңыз

Қасқыр менен қозы

  • 0
  • 0

Ашығып қасқыр байғұс іздеп тамақ,
Қыдырып жер қоймады күн-түн сабап;
Далада бір хайуан кез келмеді,
Ауылға жуытпады иттер қамап.

Толық

Үш қатынды бір кісі

  • 0
  • 0

Бір кісі бұрынырақ еткен кезде,
Бізде емес, уәлаяты бөтен жерде.
Үстіне бір қатынның екіншіні ап,
Жүріпті білдірместен бір-біріне.

Толық

Қарашекпен әм жылан

  • 0
  • 0

Болды дос жылан менен қарашекпен
Жүргіншіден айналдырып азды-көпте
Мужиктің іш-баурына кіріп алды,
Ақылды бір өнерпаз залым екен.

Толық

Қарап көріңіз