Өлең, жыр, ақындар

Ауырмай жаным қиналды!

  • 18.12.2015
  • 0
  • 2
  • 115895
(І - НҰСҚА)

Ауырмай жаным қиналды,
Ауытқып жүрек орнынан.
Уайым қоршап мені алды,
Жігерім жасып болды нан.
Болса да жүйрік ой ұшқыр,
Өзіме өзім жақпадым.
Өміріме жол нұсқар,
Ақылшы адам таппадым!
Бақытты тіршілік өмірге,
Басылмас менің құмарым!
Алысқан көп ой көңілде,
Кім біледі немен тынарын,
Жүректе - сәуле, ойда - шам,
Жарығы шықпай ішімнен.
Ауырмай жаным қиналам,
Жадына сақтар түсінген.

(ІІ - НҰСҚА)

Ауырмай жаным қиналды,
Ауытқып жүрек орнынан.
Уайым қоршап мені алды,
Жігерім жасып болды нан.
Бақытсыз сорлы болдым да,
Өмірдің кештім батпағын.
- Адаспа, қалқам, жол мұнда,
Деп айтар адам таппадым.
Жүректе - сәуле, ойда - шам,
Шықпады іштен жарығы.
Ауырмай жаным қиналам,
Көңілдің өртеп жалыны.



Пікірлер (2)

Нүке

керемет маған ұнады

Дархан

Мұқағали Мақатаевтың Ауырмай жаным қиналды! өлеңі кекремт ұнады, екі нұсқасы да жақсы

Пікір қалдырыңыз

Қара өлең

  • 1
  • 51

Қалқам,
Мен Лермонтов, Пушкин де емен,
Есенинмін демедім ешкімге мен,
Қазақтың қара өлеңі - құдіретім,

Толық

Серіксіз бе едің, құрбыжан?..

  • 1
  • 2

Сен әлі серіксіз бе едің,
Серіксіз бе едің,
Құрбыжан?
Өтіпті-ау айлар, еріксіз жылдар жылжыған.

Толық

Ақынды ақын оятпаса, болмайды

  • 1
  • 3

Ақынды ақын оятпаса, болмайды,
Ақынды ақын таяқтаса, ол - қайғы.
Ақынды ақын сүйемесе, болмайды,
Ақынды ақын күйелесе, ол - қайғы.

Толық

Қарап көріңіз