Уақыт – Ержан Қабышұлы Қабанбай

Жүрген едік шалқып,
Әр күндерді нәр ғып,
Аяңдашы озбай,
Сәл кідірші уақыт.

Бақытыма балқып,
Сезе алмадым татып.
Бір мүмкіндік беріп,
Мені күтші уақыт.

Әр нәрсені сән ғып,
Талай жүрдік қаңғып,
Қаңырады түйсік
Бос сөздерді ән ғып.

Жарқ етпедік жанып,
Бақ жұлдызын жағып,
Қайтпас дәурен хош бол!
Уақыт кетті сарқып.

Үдемелі қарқын,
Құйынына тартып,
Қажыған соң қайсар,
Жетпес шама-шарқың.

Жанталассаң шапшаң,
Болашағың жарқын.
Қадірлеуді білсең,
Уақыт асыл алтын.

©Кабанбаев Е. 14.04.2022