Сағыныш – Ержан Қабышұлы Қабанбай

Бұл бетте «Сағыныш» атты Ержан Қабышұлы Қабанбай жазған өлеңнің мәтіні толық жарияланған.

Сағынудан да,
Зарығудан да,
Самалы салқын жағалаудан да,
Шаршадым.

Қамығудан да,
Қабынудан да,
Бақшаны сенсіз аралаудан да
Шаршадым.

Аспаныңнан да,
Асқарыңнан да,
Аяғың басқан тастарыңнан да
Қызғандым.

Шалдарынан да,
Жастарынан да,
Қасыңда жүрген достарыңнан да
Қызғандым.

Шаштарыңа да,
Қастарыңа да,
Көзіңді жұмып, ашқаныңа да
Құштармын.

Күлгеніңе де,
Жүргеніңе де,
Әркімге ашық жүрегіңе де
Құштармын.

Сүйгеніңді де,
Күйгеніңді де,
Жайымды менің білгеніңді де
Сезіндім.

Көздеріңді де,
Сөздеріңді де,
Есіме алып, таң атқан шақта
Көз ілдім.

Ержан Қабышұлы (Bura-Naiman)
19.08.2023


Пікірлер (0)

Пікір қалдырыңыз

Ұқсас өлеңдер

Басқа да жазбалар