Сағыныш – Ержан Қабышұлы Қабанбай

Бұл бетте «Сағыныш» атты Ержан Қабышұлы Қабанбай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Сағынудан да,
Зарығудан да,
Самалы салқын жағалаудан да,
Шаршадым.

Қамығудан да,
Қабынудан да,
Бақшаны сенсіз аралаудан да
Шаршадым.

Аспаныңнан да,
Асқарыңнан да,
Аяғың басқан тастарыңнан да
Қызғандым.

Шалдарынан да,
Жастарынан да,
Қасыңда жүрген достарыңнан да
Қызғандым.

Шаштарыңа да,
Қастарыңа да,
Көзіңді жұмып, ашқаныңа да
Құштармын.

Күлгеніңе де,
Жүргеніңе де,
Әркімге ашық жүрегіңе де
Құштармын.

Сүйгеніңді де,
Күйгеніңді де,
Жайымды менің білгеніңді де
Сезіндім.

Көздеріңді де,
Сөздеріңді де,
Есіме алып, таң атқан шақта
Көз ілдім.

Ержан Қабышұлы (Bura-Naiman)
19.08.2023


Пікірлер (0)

Пікір қалдырыңыз

Жиі қойылатын сұрақтар

Сағыныш өлеңінің авторы кім?

Ержан Қабышұлы Қабанбай — осы өлеңнің авторы.

Сағыныш өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Сағыныш өлеңі не туралы?

Бұл өлеңде Ержан Қабышұлы Қабанбай өз ойы мен сезімін көркем түрде жеткізеді.

Сағыныш өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Ұқсас өлеңдер

Басқа да жазбалар