Байбота Қошым-Ноғай

Ұқсас екен бәрі де

Бұл бетте «Ұқсас екен бәрі де» атты Байбота Қошым-Ноғай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

admin
08.12.2023
0
0
746

Зеңгір аспан құшаққа ап,
Күледі Күн нұр құйған.
Қос қанатты ұшақ та
Аумай қалған қырғидан.

Шырқап шыққан шығанға,
Тікұшаққа қарашы.
Инеліктен бұған да
Бір ұқсастық табасың.

Жазда жаңбыр жаумаған,
Есіңе алшы аптапты.
Парашюттен аумаған
Көресің көп бақбақты.

Болсаң егер байыпты,
Сен суретші боласың.
Ал сүңгуір қайықты
Балық па деп қаласың.

Бұл ғажапқа мен мүлде,
Таңырқаймын әлі де.
Назар салсаң
Көрдің бе,
Тым-тым ұқсас бәрі де...

тақпақ балаларға арналған тақпақтар ұқсас екен бәрі де... Байбота Қошым-Ноғай өлеңдері

Пікірлер (0)

Пікір қалдырыңыз

Жиі қойылатын сұрақтар