Лақап ат кімде бар? – Ескен Елубаев

Бұл бетте «Лақап ат кімде бар?» атты Ескен Елубаев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Мына көзiм көрдi,
Бес оқушы болды;
«Бiрге» оқитын –
Бiр,
«Екiге» оқыр –
Екi,
«Үшке» оқыр –
Үш,
«Төртке» оқыр –
Төрт,
«Беске» оқыр –
Бес...
«Маңыз шықпас еш» –
Деп Екi мен Бiрдi
Оқуынан қуды.
Жаман болды бұл,
Екi мен Бiр
Бұзық болып жүр.
Түнде болсын,
Күндiз,
Жасағаны қылмыс.
Бұзықтарды тыңдап,
Болу үшiн жұмбақ.
Өздерiне лақап
Қойып алды атақ.
Бiлмеу үшiн басқа
Сот та,
Дос та,
Қас та,
«Компаниясы» Бiрдi
Мына атынан бiлдi:
«Жалқы»,
«Жалғыз»,
«Дара»,
«Жеке»,
«Сыңар»,
«Саяқ...» – дедi...
Қалмады одан Екi.
Оған да сай лақап
Тақты былай атақ:
«Қос»,
«Жұп»,
«Пар»,
«Дуэт»,
«Егiз...»
Ендi оны солай деңiз...
Қонбаған соң ақыл,
Екi менен Бiр
Өстiп жүрiп жатыр.
Ал,
Үш пен Төрт, Бесiң
Бұзылады несiн?
Болған соң мол ақыл,
Үлгерiмi жақсы,
Оқу оқып жатыр.
Содан-дағы болар,
Лақап атсыз олар.


Пікірлер (0)

Пікір қалдырыңыз

Жиі қойылатын сұрақтар

Лақап ат кімде бар? өлеңінің авторы кім?

Ескен Елубаев — осы өлеңнің авторы.

Лақап ат кімде бар? өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Лақап ат кімде бар? өлеңі не туралы?

Бұл өлеңде Ескен Елубаев өз ойы мен сезімін көркем түрде жеткізеді.

Лақап ат кімде бар? өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері