Сенесің бе, сен бұған сенесің бе?

Бұл бетте «Сенесің бе, сен бұған сенесің бе?» атты Жарылқасын Аманұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Сенесің бе, сен бұған сенесің бе?
Осылай да түсіме енесің бе?
Әлем – теңіз, біз егіз, бір ғажайып,
Құдіреттің келеміз кемесінде.
Сосын саған жыр оқып, сыр айтамын,
Күрсіндіріп, ақырын мұңайтамын.
Шашың сипап, жүзіңе үнілемін,
Қыз күніңнің көрмек боп шырай табын.
Шырай табың қайда деп шырылдаймын,
Шырылдайды қосыла құлын-қайғым.
Бір алапат күш келіп бөліп кетіп,
Қайғыланам аздай-ақ бұрын қайғым.
Сені біреу сол сәтте құшақтайды,
Қысып тұрып құшаққа, пышақтайды.
Жұлып алып, жауыз-ай, жүрегіңді,
Екі бөліп, үш бөліп ұсақтайды.
Маған қарай лақтырып бір бөлегін,
Сыбағаңды ал дейді, жүлдегерім.
Ал қасымда сен тұрсың, біреу емес,
Бірнешеу боп, қорыққаннан үндемедім.
Әлем – теңіз біртіндеп тартылады,
Ғажап кеме қайырлап қалтырады.
Маған тиген бөлігі жүрегіңнің,
Ақ кептер боп аспанда шарқ ұрады.
Сенесің бе, сен бұған сенесің бе?
Әлде қалжың, әлде ойын көресің бе?
Өкінішің өмірде аз болғандай,
Осылай да түсіме енесің бе?


Пікірлер (0)

Пікір қалдырыңыз

Жиі қойылатын сұрақтар

Сенесің бе, сен бұған сенесің бе? өлеңінің авторы кім?

Жарылқасын Аманұлы — осы өлеңнің авторы.

Сенесің бе, сен бұған сенесің бе? өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Сенесің бе, сен бұған сенесің бе? өлеңі не туралы?

Бұл өлеңде Жарылқасын Аманұлы өз ойы мен сезімін көркем түрде жеткізеді.

Сенесің бе, сен бұған сенесің бе? өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері