Өлең, жыр, ақындар

Құт-береке кеткен жоқ

  • admin
  • 07.01.2024
  • 0
  • 0
  • 600
«Құт-береке кеткен жоқ есігімнен,
Қонақ келер өзінің несібімен.
Сарандық та, «надандық», – дейтін әкем,
Опық жеген аз емес кесірінен.
Барың болса қонақтан аямағын,
Жалғыз жеген ас болмас жая-жалың.
Адам күні адаммен, көпті көріп,
Көп білгеннен көгерер сая бағың.
Сараңдығы құрысын, сараңдығы,
Шығармағын есіңнен, балам, мұны.
Адам пейілі күннен де жарығырақ,
Жарқ еткізер күн түспес қараңғыны.
Пейілде ғой бәрі де берекенің,
Шөл етемін десең де, көл етемін.
«Малымды алсаң ал құдай, пейілімді алма»,
Деген қазақ ұмытпа ел екенін.
Әке сөзі жадымнан кетер емес,
Мұнда не бар түсінбей етер егес.
Қанша сақы өзімді санасам да,
Қарт пейіліне пейілім жетер емес.



Пікірлер (0)

Пікір қалдырыңыз

Жүйрік мініп, жел боратып жалына

  • 0
  • 0

Жүйрік мініп, жел боратып жалына,
Шойын басты шоқпар іліп қарына.
Құлан қуып, құмай ертіп, құс салған,
Тарттым ба мен, тарттым ба мен қаныма?

Толық

Кімге жақсы бұл өмір, кімге жаман

  • 0
  • 1

Кімге жақсы бұл өмір, кімге жаман,
Кімге жарық бұл өмір, кімге қараң.
Тұңғиыққа батырып, тұншықтырып,
Бір қиындық кездесер күнде маған.

Толық

Жақсылығың – жаныңның жапырағы

  • 0
  • 0

Жақсылығың – жаныңның жапырағы,
Желексіз бақ не жеміс татырады?
Жақсылығы ешкімге жоқ адамдар,
Күн батырып, қалай таң атырады?

Толық

Қарап көріңіз