Өлең, жыр, ақындар

Ата-анама

  • admin
  • 07.01.2024
  • 0
  • 0
  • 450
Сендер келген пәниге мен де келдім,
Таусылмайтын жолы бұл пенделердің.
Сендер кеткен бақиға менде кетіп,
Азаланып бір күні жерленермін.
Ал әзірге бір түйір талшығың боп,
Шексіз ғалам бетінде сенделемін.
Шыңнан құлап кейбірде шыңырауға,
Қыл ұшында ілініп тербелемін.
Уын да ішіп, тірліктің балын жедім,
Суып барам қалайша, жалынды едім.
Бұл-бұл ұшты көзімнен о, дүние-ай,
Қозы қуып, гүл терген сағым белім.
Жылатып та, жұбатар жалғыз өлең,
Жалғыз өлең қайғым да, бағым менің.



Пікірлер (0)

Пікір қалдырыңыз

Балам, құмар бола көрме ащыға

  • 0
  • 0

Балам, құмар бола көрме ащыға,
«Ащы» қазір дүниеде тапшы ма?
«Арманы көп ақын» дейді сені жұрт,
Арманы жоқ ақын болу жақсы ма?

Толық

Жандарыңды жайсаңдар бір жаздырып

  • 0
  • 0

Жандарыңды жайсаңдар бір жаздырып,
Бар-жоғыммен кетейін риза қылып.
Мені өмір басында жаратыпты,
Жоқтан бар қып, жомарт қып, мырза қылып.

Толық

Айтатын саған, арманым менің көп еді

  • 0
  • 0

Айтатын саған, арманым менің көп еді,
Тағдыр-ай, тағдыр, тілімді кесті, бөгеді.
Сарғайып барам, көңілім жасыл көк еді,
Көктемім болсаң, нөсерің қашан төгеді?

Толық