Өлең, жыр, ақындар

Амантайға

  • admin
  • 08.01.2024
  • 0
  • 0
  • 432
Ақиық артық туған алғырым-ай,
Тұрушы ең тау шыңындай жаңғырып-ай.
Сен жоқта Алматыда қалғандаймын,
Адасып құла дүзде қаңғырып-ай.
Әр кезде арқа сүйер тірегім ең,
Белдессем белділермен білегім ең.
Қабыржып кейде көңілім іштей тындым,
Жайсыздық сезсем сенің реңіңнен.
Хал-жайың қатты батты-ау қабырғама,
Көңілге медеу болды сабыр ғана.
Сырқатқа сәтін салды шүкір деймін,
Жат елден білгір емші табылғанға.
Есітіп аман-есен келгеніңді,
Ақ күміс ағаң бүгін ерге мінді.
Жадырап, жағам жайлау, көңіл көктем,
Ұмытып түн ұйқыны бөлген күнді.
Бөлендім қуаныштың шуағына,
Тілектес туыс, бауыр қуануда.
Ақиық қыраным-ай, алғырым-ай,
Атадан сендей екі туады ма?
Қызығын көре берші тіршіліктің,
Кеттім-ау ә дегенде түршігіп тым.
Айналған бәйтерекке тамыры бір,
Екеуміз бұтағы едік бір шыбықтың.



Пікірлер (0)

Пікір қалдырыңыз

Қарасай бабаға

  • 0
  • 0

Қолдасын Аруағың, батыр бабам,
Рухың өзгелерден жақын маған.
Қол жайып қысылғанда бір өзіңе,
Келеді ғұмыр кешіп ақын балаң.

Толық

«Ақынмын» деп болады айтуыңа

  • 0
  • 0

«Ақынмын» деп болады айтуыңа,
Ел аралап, жер көріп қайтуыңа.
Ақын деген табиғат перзенті,
Ол өмірге келмейді жай туыла.

Толық

Қызықтырмас ешкімнің дәулеті де

  • 0
  • 0

Қызықтырмас ешкімнің дәулеті де,
Қызықпадым салтанат сәулетіне.
Амандығын тілеймін Адамзаттың,
Аманшылық бере гөр Әулетіме.

Толық

Қарап көріңіз