Сіз жақсы адамсыз!!!

Бауырым,.. сіз жақсы адамсыз,
Сертіңізге бекемсіз, ісіңізге адалсыз.
Уайымдамаңыз, Алла реттейді барлығын,
Күліп жүріңіз, жас баладай алаңсыз !!!

Алладан сұрап, дұғамен жасап құлшылық,
Соған сай амал, етіңіз қалмай қымсынып.
Дұғамыз қалай, қабыл болмақ амалсыз?
Тәуекел етіп, жасаңыз және тіршілік.

Көңіліңіз түспесін, күлімдеп жүріңіз,
Бәріміз Алланың құлының біріміз.
Тағдырда жазылған, болады сәтімен,
Тек қана себебін, жасауды біліңіз.

Өткенді ойлап, бекерге өкінбеңіз,
Ал, ертең жұмбақ. Уақытты өлтірмеңіз.
Бүгінмен жүріңіз, сүріңіз өмірді.
Қардай-ақ көңілге, қаяу келтірмеңіз...

Күлу мен мұңаю, өмірде егіз,
Бұл біздің өмірдің мәніне негіз.
Екеуі екі ит, қайсысына көбірек,
Уақытымызды бөлсек, болады семіз.

Ғұламалар сөзін, ойыңызға алыңыз,
Естіңіз, Ойлаңыз, сарапқа салыңыз...
Дінде өзіңізден жоғарыға, ал дүниеде төменге
Қараңыз, бірер сәт ойланып жалғыз...

---