Ей, досым! – Нұрсұлтан Назарбаев

Емеурінді ұғасың ба,
Ей, досым?
Пейіліме құбасың ба,
Ей, досым?
Жаным жүдеп,
Шаршап жүрмін,
Шалдығып,
Бір жағыма шығасың ба,
Ей, досым?!.

Сөз бастаған шешен болу –
Бір қиын,
Елің үшін есен болу –
Бір қиын.
Тайғақ кешіп,
Ақ жол тауып,
Адаспай,
Көш бастаған көсем болу –
Мың қиын!

Тыңдай білу заманыңның тынысын,
Төрге оздыру қазағымды –
Ұлы сын.
Мойындатсаң мұратыңды жаһанға,
Сонда ғана...
Пенде емес –
Ұлысың!
...Сонда ғана,
Ұлықтайды ұлысың.