Алтын ғасыр

Ой баққан,
Ұйқы қашқан жүрдек күндер,
Қайырылмас,
Судай аққан дүрмек күндер.
Мың батпан міндет жүгін арқалаған,
Бағасын ол күндердің білмек кімдер?!

Қайырмасы:
Төсінде туған жердің ер жетіп ем,
Тарихтың толқынында тербетілем.
Елімнің ертеңі деп елеңдеймін,
Заманның сырын оқып келбетінен.

Бұл ғасыр қазақ үшін алтын дер ем,
Даңқымды әлем білді,
Салтымменен.
Кеудемде жаным барда көтеремін,
Аянбан,
Не күтсе де халқым менен!

Қайырмасы

Қазаққа азат күні жарасар бек,
Бүгінде жұртымызбен санасар көп.
...Сезімді төзім болып тұсаулаймын,
Анық ой ақиқаттан адасар деп...

Қайырмасы