Кәкімбек Салықов

Туған елім, туған жерім

Бұл бетте «Туған елім, туған жерім» атты Кәкімбек Салықов жазған отан туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

admin
01.09.2024
0
0
1763

Сүйіп келсе өлкемді күн,
Көрдім кербез жер кеңдігін.
Астанада көк Есілдің
Жағасында терсем гүлін.
Туған елім, туған жерім,
Ол өзіңнің көркемдігің.

Сүйсе сүйсін сүйікті күн,
Сенсіз бақыт жиыпты кім.
Әлемге әйгі даңқыңды айтып
Жүрсең шаттық үйіп бүгін
Туған елім, туған жерім
Ол өзіңнің биіктігің.

Қайырмасы:
Келді шалқып айтар күнім,
Қуатың мол байқар бүгін.
Тәуелсіздік аясында
Тамсандырса шалқарлығың,
Туған елім, туған жерім
Ол өзіңнің дарқандығың.

Ай мен шолпан ғашық сырым,
Жұлдыздардан тасып бүгін;
Ғарышкерлер есен келсе,
Қарсы алады асыл жырым.
Туған елім, туған жерім
Ол өзіңнің асылдығың.

Жарқыратқан ел кескінін,
Жақсылыққа жалғасты үнім.
Қазақстан қарқынына,
Ел қалған жоқ сенбес бүгін.
Туған елім туған жерім,
Ол өзіңнің дербестігің.

Қайырмасы

Кәкімбек Салықов Қазақша өлең өлеңдер отан туралы өлеңдер туған жер туралы өлең туған елім туған жерім Кәкімбек Салықов өлеңдері туға

Пікірлер (0)

Пікір қалдырыңыз

Жиі қойылатын сұрақтар