Желтоқсан таңы

Желтоқсан таңы дірілдеп ызғар,
Жүректе жылы үміт пен ізгі ар.
Ақ құстай бейбіт арманы самғап,
Алаңға шықты жігіттер, қыздар.

Қайырмасы:
Жалындап ақ тілекпен,
Жанында бақ түлеткен.
Жаудан да жасқанбаған,
Жалаңаш пәк жүрекпен,
Жас қыршын жастарым-ай.
Жұлдыздай ел көгінде,
Жандыңдар сендер бірге.
Ғасырға аттандыңдар,
Желтоқсан ілігінде,
Жауқазын шақтарындай,
Жас қыршын жастарым-ай.

Әміршіл кезең үйірді бұлтын,
Аталып ұлтшыл күйінді жұртым,
Нақақтан-нақақ Қайраттар, Ләззат,
Гүлдері солып қиылды қыршын.

Қайырмасы

Бұрқатып өткен бұл халық мұңы,
Бір дәуір сынды жыл болды ұлы.
Желтоқсан таңы жадырап қайта,
Ғасырдың бүгін нұрланды күні.

Қайырмасы