Жангелді Заманбеков

Жан досым мені ұмытпа

Бұл бетте «Жан досым мені ұмытпа» атты Жангелді Заманбеков жазған достық туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

admin
03.09.2024
0
0
250

Шалғайда шаршап жүрсең де,
Боранда, желде, суықта.
Хан сарайға кірсең де,
Қараша үйді ұмытпа.
Ыршыған асау секілді,
Көнбей жүр өмір ырыққа.
Жүрегі жамау жетімді,
Жырақта жүрген ұмытпа.
Думанды-тойда шалқыған,
Тост алсаң, толқып тұрып та.
Аруды көрсең балқыған,
Бозбала кезді ұмытпа.
Жоқ емес жауың байқасаң,
Жүргені қанша бұғып та.
Күн туса бір айқасар,
Семсерің менмін ұмытпа.
Заманда мынау қысылшаң,
Жарамсақ жанды жуытпа.
Жарыңа гүлді ұсынсаң,
Жаным-ау деуді ұмытпа.
Анаңнан артық жан барма,
Ауылға жолды ұмытпа.
Қамшыдай қысқа ғұмырда,
Жан досым мені ұмытпа.

Жангелді Заманбеков дос туралы өлең достық туралы өлең Қазақша өлең өлеңдер жан досым мені ұмытпа Жангелді Заманбеков өлеңдері

Пікірлер (0)

Пікір қалдырыңыз

Жиі қойылатын сұрақтар