Есіл еркем

Тамаша табиғаттың құбылысы,
Өзені тіршіліктің бір тынысы.
Арқада Нияз таудан бастау алған,
Есілмен еселенген ел ырысы.

Қайырмасы:
Өзіңмен көркем, өрісті өлкем
Дария дархан айдының бар кең
Жақұты жердің, бақыты елдің,
Сен Сарыбелдің Есілі еркем.

Елімнің елшісі деп мақтанамын,
Кеудемді керіп айтар асқақ әнім.
Сән берген, түрлендірген, гүлдендірген,
Ажары айнасы сен Астананың

Қайырмасы

Қазақтың асып өтіп сар даласын,
Ресейдің басып өтіп сан қаласын.
Еншілес екі елің ерекше елеп,
Ежелден ерке Есіл аталасың.

Қайырмасы

---