Сырбай Мәуленов

Біз ол кезде жас едік

Бұл бетте «Біз ол кезде жас едік» атты Сырбай Мәуленов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

07.02.2016
0
0
6121

Біз ол кезде жас едік
Білмейтұғын майданды.
Сырдария үстінде
Салушы едік сайранды.
Көк буалдыр, жер тұман,
Майдан жолы шартарап.
Шеру тартып жөнелдік
Халық кегін арқалап.
Жеңіс оңай түскен жоқ,
Құрбан болды талай жан.
Талай қимас құрбыны
Қалды алып қан майдан.
Түгел емес тобымыз
Ортамызда жоқ достар.
Құрметі үшін солардың
Тұрыңыздар жолдастар.
1946.Қызылорда
* * *
Қызыл жыңғыл бойында
Күзді гүні туыппын.
Буырқана бұрыпты
Қара жаңбыр құйып күн.
Киіз үйдің ішінде
Желпілдепті жөргегім.
Жел үрлепті даланың
Бетегелі белдерін.
Бал көмейлі әншілер
Ағызыпты ән бұлағын.
Азанымен өлеңнің
Ашылыпты құлағым.
Осынау байтақ далаға,
Өрнек салып өлеңмен —
Содан бері жыр шырқап,
Өмірді өрлеп келем мен.

Cырбай Мәуленов өлеңдері Біз ол кезде жас едік өлеңі

Пікірлер (0)

Пікір қалдырыңыз

Жиі қойылатын сұрақтар