Өлең, жыр, ақындар

Мен әйелмін

  • admin
  • 07.09.2024
  • 0
  • 0
  • 454
Мен әйелмін,
жанымда қырық шырақ,
Ешкімге енді бармаймын үміт сұрап.
Саналыға салмағы батпан өмір,
Ақымаққа, шіркін-ай, қызықтырақ.
Мен әйелмін
жылайтын күліп тұрып,
Жүрекке ауыр жүк артар біліп тұрып.
Ай мен Күндей ажарлы, дертті жүрек,
Хан қызындай салынған қырық құлып.
Мен әйелмін
жанардан жылу күткен,
Айна алдында сырластым сұлулықпен.
Кеше неге, білмеймін, жери бердім
Пешенеме бұйырған бір үміттен.
Мен әйелмін,
таусылмас аңсар әнім,
Мөлдірлікке мөлт етіп тамса жаным,
Тазалыққа талпынған барым деп ұқ.
Құшағына қапсырып алса жалын,
Өртке оранып жатып та тамсанамын.



Пікірлер (0)

Пікір қалдырыңыз

«Арайлы таң!», «Қайырлы түн!»

  • 0
  • 0

«Арайлы таң!», «Қайырлы түн!»,
Қысқа ғана қайырған хаттарыңыз,
Байқатады –
Сағыныш Намазшамова

Толық

Жастықтың үңіл көзіне

  • 0
  • 0

Жастықтың үңіл көзіне
Жасырайын жібек мұңды кей іште,
Жадырайын жүргендейін пейіште,
Сағыныш Намазшамова

Толық

Көзсіз көбелек тірлік

  • 0
  • 0

Көзсіз көбелек тірлік
Жынды көбелекпін бе?
Мұңды керек еттім бе?
Сағыныш Намазшамова

Толық

Қарап көріңіз

Басқа да жазбалар